紐西蘭自由行超強優惠網【Bookme】【backpackerdeals】

先定行程  再揀優惠  皇后鎮$1飲Cocktail

無論你係自由行、自駕遊，識玩之人都一定會識得用Bookme.com，入面既優惠平到你唔信，紐西蘭有唔少行程都要預先報定，好似南島必行的冰川，因為好多時都未必有位，有位都未必就到你個行程既時間，小編之前就大安旨意，以為閒日去實有位，點知成個上午都無時間，搞到對落一個行程要跑住玩，所以做人一定要兩手準備，預先排好行程。唔係點樣衝得齊咁多個Checkpoint！講返轉頭，Bookme入面有唔少行程都平到笑，當中最正莫過於皇后鎮(Queenstown) 入面兩間Ice Bar既優惠，置身冰雕飲杯cocktail，諗起都爽皮，幾錢呢？原價NZD$15，佢只係收你$1，你冇睇錯，我亦冇打錯，係1蚊！不過通常得中午先有得入場，其餘時間都會貴啲。

皇后鎮冰窖酒吧邊間好？

好多人會問Below Zero定係 Minus 5 好啲，小編就只係去咗一間，係當地人介紹，不過有其他朋友又話另一間好，嫌我講廢話？即係見人見志，兩間都咁上下，有返一定水準，咁講，你又係咪去晒兩間先？如果一家大細又點樣呢？冰吧就冇年齡限制既，小朋友都可以飲杯無酒精Mocktail。

Minus 5 Ice Bar ，Below Zero (圖片來源：backpackerdeals,Below Zero Ice Bar)

入場有分大人或小朋友，不過你都可以扮細買張小朋友試下嘅！

backpackerdeals 推薦行程

不過，Bookme你就要時時留意住優惠，小編另外會建議 backpackerdeals，頭先提到嘅Ice Bar 佢哋都有，時段會多啲，包兩杯Cocktail，佢地主打精選行程，有唔少優惠都好抵，就好似去Milford Sound坐郵輪都只係NZ$59，另外仲有好多極限運動又或者係紐西蘭必去景點，跳傘、笨豬跳，網入面都搵得到，唔單止紐西蘭，仲包埋其他地方，講得係Backpacker，梗係要玩得夠平，夠刁轉！

Milford Sound遊船河(圖片來源：backpackerdeals)

Update最抵優惠：backpackerdeals  /   Bookme