AGooDeal HK

在facebook未成為主流的年代，xanga是所有80、90後的少男少女必用的個人網站。那時我們每日放學回家，icq或msn還未完成自動登入時，已經急不及待打開xanga，津津有味地閱讀無無聊聊但又非常親切的火星文，然後個個如大文豪上身，寫出一篇又一篇無病呻吟的作品。 如果當年facebook已經流行，隨手在xanga執一篇文，都必定會成為受萬人恥笑的潮文。 雖然不堪回首，但在xanga執笠後的多年，我們仍然對火星文念念不忘。早幾日隨手在Google一search，赫見一個名為Xanga.HK的新網站，立刻心頭一震：難道我當年寫的火星文會重見天日？ 馬上爬文查看，只見官方網誌寫着： 「We are bringing back Xanga.HK with new features. Please stay tuned.」 再看看美版的Xanga.com官網，也不見相關消息公佈。我懷疑這只是一個山寨網，於是發了一個電郵問網站admin，可惜沒有人回覆。 然後在今日，終於見到Xanga.hk出現更新： 「新的Xanga.HK 與 Xanga.com (美國) 不一樣，Xanga.HK完全免費， 運作與 Xanga.com (美國) 獨立 。因此，你需要在Xanga.HK 從新註冊一個新的帳號，然後將你在Xanga.com 備份的舊文章上傳到這個網站。」 謎底卒之解開。 原來只是有人借屍還魂，註冊了xanga.hk網址，再用幾乎一樣的logo推出新網誌平台。所以大家不用擔心十幾年前的火星文會被挖出土。 登入後發現有不少wordpress的版面設計可以揀。 Xanga.com 舊文仍搵得返 虛驚一場後，我在xanga.hk登記一個賬戶，發現所謂港版Xanga，原來只是一個普通的wordpress寫文平台，亦不見有甚麼獨家功能。除了同樣叫Xanga之外，Xanga.hk與Xanga.com可謂完全沒有共通之處。 而實際上2.0版本的Xanga.com已經很像以前的Xanga，因此除非你很想擁有xanga.hk/username的網址，否則的話註冊後可能會有少少失望。 另外，由於當年xanga.com執笠時有為用戶back up舊文，因此各位至今仍可到Xanga.com下載，並載入到Xanga.h

香港無咩好，勝在有好近嘅郊野，比香港人放鬆下。去有名嘅香港版大峽谷–菠蘿山，整體來講，最辛苦都係開頭攀升路程，之後就簡簡單單了。好多人寫過，旨在比啲tips 大家！ ▲google下就見到一條路由良景去下白泥，放心其實有好多人都慕名而來，根本上我地都係跟人行。 ▼行下抖下，幾個字内就上到【大峽谷】，人，全部都係人，臺灣朋友有，外國人有，靚仔靚女都有~ ▼天色一流，配好景 小編都叫有間中行下山，無去過的確可以去睇下，大峽谷當然算不上，不過以風化而成嘅峽谷景係香港算少有。上山路一直無咩樹蔭，做好防曬，要準備飲料！本來趕去下白泥睇日落，點知去到雲多，日落見唔到就立刻去搭車。重點來，記住要預時間走，因爲出名地方人一定多，而個邊公共交通得小巴33號，所以人多等於等車等好耐。我地等左成個鐘，中途有打call車app，有各種理由拒載，再數數前方有成150人，小巴三四個字先有一班，GOOGLE MAP預計8公里，大家決定行出去流浮山離開。 好彩行到大半有小巴會撈客夠人就掉頭，大家行到hihi，立刻狗衝上小巴。司機話假日一路都有呢類小巴，因爲一定會有人頂唔順會自己行出來，所以大家下次假日去遇到好多人等車，又唔到車入去接你，唔想等，唔怕累，立即走人勇敢行出來。

之前係FB share 過段片，話十大症狀警告你需要去旅行，所以請日假連六日去過短trip 醫病。今次唔坐飛機，坐車去惠州度假村放鬆下。簡簡單單去永東訂套票，2日1夜兩人酒店連車票，$1100左右。自由行當然要上網搵資料，但發覺雙月灣通常都係内地人自駕遊多。我地主要搵下有咩景點，當時上網有提到行上山睇下雙月灣全景，總共要個零鐘，大家個刻覺ok 啊，平常行山都要上下時間啦。到左先發覺自己太天真。 香港有幾個上車點，九龍新界都有，我地九點上車就落起大雨，心情非常高興，十一點左右過關，過完關坐多兩個幾鐘就到萬科雙月灣。拎完房見個天氣麻麻，諗緊出唔出去，去玩當然要把握時間，行去個聲稱行去三四個字的平海古城。中途由好多牛牛相伴，沿海都起曬高樓大廈、度假村，無田耕就無人養，佢地自生自滅。 不過附近都有草地，隨意走來走去，叫做自由自在。我地跟住酒店提供的簡單地圖，邊行邊問下人，行行下用左7，8個字終於到達平海古城。 去個時無知地行左一圈，但舊圍村地行左，憶起兒時鄉下的點滴。内裏新舊村屋並蓄，新的密密麻麻，舊的入室前尚要登堂，我這個没見識的城市人認爲新不如舊。回來維基下，平海古城建於明朝洪武十八年(1385年)，至今仍完整保留四座城門樓，部份城牆，十字古街，七星古井。 行下行下，天色漸暗，打道囘去梳洗下再係附近食個晚飯，不過度假村獨市生意，水準就差點了。（待續）

話説小編上Amazon網游緊，見到有個labor day 優惠。衆所周知，勞動節係五月一號，所以八卦下係咩東東。原來美國的勞動節規定在九月的第一個星期一，在1894年由 美國總統克利夫蘭簽署法律使之成為聯邦的法定假日。 上邊張圖係1882，美國勞動節時係NEW YORK的遊行，相信心細嘅你可能發覺，點解兩個年份有出入呢。有一說法是美國勞工聯合會的Peter J. McGuire在借鑑了在加拿大多倫多一年一度的勞動節後於1882年首次提出的。 1887年，俄勒岡成為首個設立該節日的州。到1894年美國總統格羅弗·克利夫蘭簽署法律使之正式成為聯邦假期時，已經有30個州確立了勞動節。 資料來源

卡塔爾航空Qatar Airways 做緊環球嘉年華推廣，香港去歐洲機票70% off，來回都係幾千蚊，只要喺9月5號或之前，即係下星期一前，就可以平買今年9月15到下年6月30號既機票，德國、倫敦、法國、荷蘭，總之就環掃成個歐洲，多個機場，暑假過咗唔緊要，聖誕新年走返轉一樣得，book定下年去Gradtrip一樣得！ 小編親身試過，入面既機位剩返唔多，不過價錢真係好抵，兩個人一齊去會平啲，以德國柏林為例，兩個人夾埋HK$9000蚊有找，點樣砌到最平，唔駛講，自己試試佢！

暑假又過，一年一度Apple發佈會又來。不過Apple系列一向有價有市，個價唔會話突然就大跌。但係大家要望望下圖。 喂啊哥，以上款色平成舊水美金，由299USD（ 2,317.25 HKD）減到去199 USD（1,542.25 HKD）。有消息報道，apple watch 推出已經兩年，Apple來緊會推出apple watch 2，所以有公司開始推出優惠，所謂去舊迎新，貨尾當然要清一清。 參考來源：9to5m