【富士山篇】七月登山好季節

揀好天氣避開梅雨

一到7月又係行富士山嘅好日子，官方就定咗7月同8月係官方登山季，因為呢段時間無雪，溫度又啱啱好，如果無經驗人士，揀呢段時間就無有怕。因為過咗呢段時間，山頂就開始會好凍，跌到零下幾度，而且天氣唔穩定。不過就算到7月都要等一等，因為月初仲踏入梅雨季，至於7月尾到8月中又會遇到人潮，唔少學校都會揀呢啲時間登山，有辣有唔辣，出發前最好就要規劃下。

(圖片來源：Panoramio)

官方登山季7-8月
另外喺官方登山季，山中嘅小屋都會開放，每人每晚大約幾千円不等。上山基本上有4個登山口，分別4條上山路線，吉田口、須走口、御殿場、富士宮口，分別位於山梨同靜岡縣。至於由山腳到山頂分10個站，上到山第5個站嘅路都仍然易行。
想知多啲登山詳請可以參考富士山官方網站：http://www.fujisan223.com/tw/rule/

(圖片來源：富士山官方網站)

今年特別安排
不過亦都要提提大家，今年為保障遊客安全，以防富士山「發脾氣」，山梨同靜岡縣推出多項安全措施，山上小屋同山腰都準備好火山灰安全帽、防塵口罩、同防塵鏡三寶，不過預計就唔夠用，如果擔心的話，可以自己租返套傍身。
另外官方亦提供登山記錄Compass，有咩事都畀人知你喺邊，出得嚟玩，安全功夫當然要做到足啦！

喺Expedia亦做緊優惠，可以望下有冇心水。