【長知識】至夠「螢」，藍光蟲點亮小宇宙

6月 13, 2017

係螢火蟲又唔是螢火蟲？

媽呀？好亂呀！

是咁的，自小到大小編既認知，螢火蟲即係屁股發綠光，飛黎飛去，好似宮崎駿《再見螢火蟲》咁。佢地來無蹤去無影，係夜闌人靜，荒山夜嶺先睇到。

不過突然有一日，同是Glowworm一種既藍光蟲突然出現，顛覆小編既螢火蟲世界。從來無想像過螢火蟲可以靚得咁震撼，佢地聚集喺山洞入面，伸手不見五指，但一抬頭，見到既係成個洞頂好似藍色既銀河，有如滔滔江水，延綿不絕，唔是誇大，嗰種內心的蕩漾，非筆墨能形容。

台灣人叫呢種做藍光蟲，佢地主要生長喺紐澳陰濕既洞穴入面，唔識飛，只會黏喺牆上面。發光亦唔係屁股，而係幼蟲為獵食流出嚟既一串口水，遇到氧氣就會發出幽幽藍光，係咪好浪漫呢！

藍光蟲喺澳洲昆士蘭春溪國家公園都免費有得睇，不過要數量最多、最靚既，非紐西蘭莫屬，當中有唔少既地方都有導賞團，網上各論壇都有推選Waitomo cave，算數一數二咁靚，而紐西蘭除咗可以選擇坐船入洞睇，要刺激浪漫，玩「黑水漂」亦係唔錯選擇，玩法係要用漂流既方式摸黑坐住水泡，大家一個夾一個，好似人型蜈蚣，隨住水流慢慢漂，成個人攤喺度，靜靜享受小宇宙。無錯，Kiwi(紐西蘭人) 就係咁識歎大自然。不過，唔係時時都見到咁多既藍光蟲，有時當地導遊會拍手喚醒沉睡既小宇宙。